Nakabenipisyo ang kapin 460 ka mga individual sa gipahigayong operation tuli,ibot sa ngipon ug tupi pasado alas 8 kaganihang buntag sa City Auditorium dakbayan San Carlos,Negros Occidental.ALGU-San Carlos, Partner Agencies Magsugod sa 2024 Medical-Sugical Operation.
Nanguna sa maong aktibidad mao ang lokal nga kagamhanan sa San Carlos City uban ni Congressman Gerardo P. Valmayor Jr., Liga ng mga Barangay-San Carlos Chapter, ug 79th Infantry “Masaligan” Battalion, 3rd Infantry Division sa Philippine Army.
Kapin 460 ka mga indibidwal gikan sa Barangay 1 hangtod 6 ug Rizal ang naka-avail sa lainlaing serbisyo lakip na ang libreng tuli, pag-ibot sa ngipon, ug pagpatupi sa buhok.
Matod pa ni City Hospital Administrative Officer Charlen Pol Bistis-Anlap dihang nahinabi sa Brigada News Team ang medical-surgical operation eksklusibo sa mga residente sa San Carlos City.
Giawhag usab niya ang mga ginikanan nga makigtambayayong sa ilang tagsa-tagsa ka health center alang sa mga indibidwal nga gustong mopahimulos sa nagkalain-laing serbisyo.
Nakadawat ang mga pasyente ug food packs gikan sa ilang tagsa-tagsa ka Brgy. ug mga libreng tambal homan sa Operasyon.
