Gibutyag ni Davao City COVID-19 Task Force Vaccination Cluster head Dr. Josephine Villafuerte nga moabot na sa 30,000 ka senior citizens ang nabakunahan sa COVID-19 vaccine.
Gitataw ni Villafuerte nga midaghan ang mga anaa sa A2 Priority group nga nabakunahan tungod sa daghang giablihan nga vaccination sites sa nagkadaiyang distrito.
Gani kagahapon nakabakuna ang City Health Office og kapin 250 ka senior citizens sa SM City Davao nga maoy usa sa gihimong vaccination site ug sugod karong adlawa Miyerkules anaa na sa 18 ka vaccination sites ang magserbisyo.
Tungod niini kampante ang CHO nga matapos dayon ang vaccination sa priority group A2 ayha pa moabot ang gitakdang deadline sa umaabot bulan sa Hulyo. BNFM-DAVAO
