Anaa sa 240 ka mga permanenteng housing units ang gi turnover sa NHA-Xl ngadto sa Brgy. Balnate, Magsaysay, Davao del Sur.
Sumala ni Mayor Arthur Davin, gi prioritize ang 240 ka mga family-beneficiaries kansang mga pinuy anan nahimutang sa “no build zone” nga apektado sa linog sa tuig 2019.
Sa karon, na relocate na ang mga recipients tungod ning ulahing mga adaw, nagduhaduha sila sa pagbiya sa tagsa tagsa nila ka pinuy anan.
Sumala ni NHA General Manager Marcelino Escalada Jr. libre nga gihatag ni PRRD ang maong mga housing units kungdiin naggikan pa sa Korea ang materyales niini ug gipasigarbo nga durable kini. Gawas sa balay, gihatagan usab sila ug 1,000 liter-capacity overhead tank plus solar panel.”
Ang matag unit nibalor ug PHP280,000, dunay floor area nga 27.50 square meters ug dunay lot area nga 72.25 square meters. Duna usab rekomendasyon nga motukod sila ug duha ka andana nga eskwelahan sa Brgy San Miguel, Balnate, Malawanit, ug Upper Bala nga nagkantidad ug 40 milion pesos ang matag usa.
Gipahinumduman ang mga beneficiaries nga kon buot nilang ekstensyonan ilang balay, mokunsulta una sa municipal government ug sa NHA alang sa mga regulasyon.
Duna usay sugyot nga magtukod ug wet and dry market ug mini grocery store duol sa housing units. Sa pikas bahin, laing 2,002 ka permanent housing units nga nagkantidad ug 573 million posos ang gigahin alang sa lungsod sa Magsaysay. Ang maong housing units laomang makompleto na karong bulan sa Agosto ning tuiga. BNFM-Davao
