Gipahibalo sa Department of Public Works and Highways Region XI ang publiko nga temporaryong gisirad-an ang dalan pa- northbound lane (left side going from Tagum to Bukidnon) sa Kapalong-Talaingod-Valencia (Bukidnon) Road gumikan sa mga nabanlas nga balas sa kalsada.
Gideploy na ang mga maintenance personnel sa lugar aron padayon nga mamonitor ang mga apektadong imprastraktura.
Gitambagan ang mga motorista nga mag-amping samtang moagi sa southbound lane.
Samtang sa pikas bahin, gumikan sa weather disturbance hatod sa Localized Thunderstorms, ang mga lugar sa probinsiya sa Davao de Oro ang nakasinati og moderate ngadto na sa kusog nga pag-ulan uban sa hinay ngadto sa kusog nga hangin.
Naka YELLOW alert level na ang tibuok Davao de Oro tungod sa padayon nga pag ulan dala pa gihapon sa Intertropical Convergence Zone kon ITCZ.
