Gin reklamo it tricycle driver ru sangka myembro it Kalibo Auxiliary Police (KAP) member matapos gisi-on ru parte it resibo.
Sa report, nakilaea ru nagreklamong tricycle driver nga si Antonio Revecencio, 63 anyos ag residente it Brgy. Tigayon, Kalibo, Aklan.
Samtang, gin reklamo ru KAP member nga si Arnie Briones, sa legal nga edad.
Suno kay Revecencio, nag pick-up imaw it mga pasahero Eastern Terminal San Lorenzo Drive sa Brgy. Andagaw, Kalibo, Aklan nga uwa naka suoksok it uniporme it mga tricycle drivers.
Naging dahilan kun ham-an it nag issue it citation ticket ru KAP member dahil sa biolasyon na naga balor it P1K nga multa.
Pagka aga, nagkita ru nagreklamong tricycle driver ag KAP member nga si Arnie Briones ag gin usoy ru resibo ag naghambae nga pagabuhinan.
Kampante man ru tricycle driver rason nga gin tao sa KAP memebr ru resibo apang tuman ka kibot kat makit-an nga gin gis ru parte it resibo nga nakakainsulto sa anang panig.
Nakita man it Presidente it Kalibo United Tricycle Operators ag Drivers Association nga si Mr. Jenly Ventosa ru paghitabo para sa madasig ag naga kaigo nga action pinaagi sa sueat para taw-an it solusyon.//MARIVIC Y. ILIN
