Kalaboso karon ang usa ka taas nga opisyal sa kapolisan sa Davao region atol sa Entrapment Operation sa mga sakop sa CIDG RFU13 ug gironda sulod mismo sa iyang buhatan didto sa Land Transportation Office Barangay Dagohoy, Butuan City kagahapon sa buntag.
Ang suspek giila nga si Ret. Brig. Gen. Joel Rentoy Consulta, 58-anyos, kasamtangang OIC sa Land Transportation Office CARAGA, residente sa Villa Kareena, Brgy Baliok, Davao City. Lakip sa gidakop ang bagman niini nga giilang si Bob Cozy Ang Ilanga, 44-anyos, jobless, residente sa Susana Homes, Barangay Baliok ning syudad.
Narekober gikan sa posisyon sa iyang bagman ang puti nga envelope dunay nakasulat nga Shiloh Apra Technical School Incorporated unod ang P16,700 ug lain pang envelope unod ang P33, 600.00 nga musuma total og ₱50,300.00
Hinoon walay nakuha nga kwarta sa posisyon gikan kang Consulta apan mag-atubang kini og kasong paglapas sa RA 11032 kon Ease of Doing Business and Efficient Government Service Delivery Act ug R.A 3019 ko Anti-Graft And Corrupt Practices Act.
Sa karon gibalhog na ang mga suspek sa CIDG-RFU13. BNFM-DAVAO
