GILAUMAN ni kanhing City Social Welfare and Development Office o CSWDO head Rebecca Magante nga gina-atiman na sa Barangay Council for the Protection of Children ang nag viral nga video.
Segun ni Magante, nga angayang tabangan sa komunidad dili lang sa mga barangay officials, psychologist ug psychiatrist ang bata nga gipasakitan sa inahan samtang ginatudloan.
Sa video nga nakita usab ni Magante, nagtuo kini nga may lalom usab nga kasinatian sa pagpanguso ang inahan ug nabalhin niini ang kasinatian ngadto sa iyang anak nga 5-anyos pa.
Angayang ma refer ang bata sa usa ka psychiatrist tungod usa ka traumatic experience ang nasinatian ug kini angayang ma-address, ingon man ang inahan nga sa tan-aw niini, may ginaagian usab nga post traumatic stress disorder ug dili maka kontrola sa emosyon.
Kinahanglang mawala sa huna huna sa bata ang maong kasinatian aron dili makaangkon og learning disability, low self esteem, impaired social skills ug posibleng makasinati late disturbance ug disorder sama sa night sweating ug uban pa.
Dugang ni Magante, kinahanglang ma monitor ang inahan sa treatment niini karong gibalik ang iyang anak ngadto kaniya ug ang bata ang kinahanglang bantayan usab sa mga silingan ug barangay officials.
Kung dili na matud pa makontrola sa inahan ang pagpanakit ug magpadayun, may center usab sa barangay asa didto una ang bata, luyo nga traumatic kini ug dili pa masabtan ang proseso, mao nga ang hustong intervention ang ipatuman sa bata ug sa iyang inahan.
