NAWAD-AN na og paglaum ang kanhi miyembro sa CSU nga makakuha og claim sa city hall gikan sa iyang ulahing agi bag-o gidekarang nag- AWOL sa iyang trabaho.
Sa dugang pahayag ni Kyla Malang sumala niini nga gi-require siya mga magkuha og cedula ug uban pa nga papelis aron makuha ang iyang claim sa iyang ulahing duty bag-o gi-ilisan kaniadtong Marso 17 sa kasamtangan nga tuig.
Iyaha daw gilantaw ang iyang ATM kon adunay nasulod nga kwarta apan wala pa hangtud sa panahon nga gihinabi kini sa Brigada kalabot sa katikaran sa iyang reklamo kalabot sa pagpapha kaniya isip job order worker ilawom sa CSU nga karon usa na ka departamento.
Samtang nagapasalamat usab si Malang sa maayong balita nga adunay sugyot sa konseho nga patas-an ang sweldo sa mga Job Order workers kay usa siya sa nagpa-interview kalabot sa ilang sitwasyon nga nagkinahanglan og dugang usbaw suholan sa matag bulan.
Gi-angkon usab ni Malang nga kaniadto taga suporta siya sa administrasyon nakabantay pa siya sa mga ballot boxes sa milabay nga election apan sa karon na usab na ang iyang dagway gumikan sa nahitabo kaniya,mao nga dako ang pagtuo niini nga modaug ang partidong AIM sa May 9, 2022 elections.
Kahibaluan nga naghatag na og tubag ang Deputy Chief sa CSU may kalabotan sa reklamo ni Malang ug gisulti nga dapat sa ilang trabaho maayo ang lawas isip gwardiya, gumikan aduna siyay mga sakit mao nga gihulipan. I Ver Diazon
