Gindayaw ni Kalibo Sangguniang Bayan member Augusto Tolentino ro pagkrear it municipal ordinance nga “Kalibo Senior Citizens Monitoring Board”.
Ro Municipal Ordinance No. 2023-021 hay gindeklara nga valid and operative sa ginpatigayun nga 47th regular session it Sangguniang Panlalawigan it Aklan ku July 3, 2023.
Suno kay Tolentino, ro monitoring board ro magapamuno ag magamonitor sa pagpatuman it mga programa ag plano para sa kamaeayran it mga senior citizens sa Kalibo, Aklan.
Ginmanduan man ro nasambit nga board nga imonitor ro pagsunod it kada barangay sa Kalibo para magtaeana it 0.05 percent it annual budget para sa aktibidad, programa ag proyekto para sa mga magueang. // ANN DESLENE SALAZAR
