Nagpatigayun ku Agosto 10 ro mga elemento it PDEA Aklan Provincial Office at Bureau of Customs it random check ag paneling inspection sa mga bagahe it mga pasahero it flight LJ039 JIN AIR halin sa Incheon, Korea sa Kalibo International Airport (KIA).
Sa pagpanguna it PDEA-Narcotics Detection Dog (NDD) K9 “Eliana”, ginpasiguro it team nga salbar sa drug transactions ro KIA.
Tinutuyo kara nga maabangan ro posibleng pagtransport it illegal nga droga sa probinsya it Aklan.
Samtang, owa man it na-detect nga presensya it illegal nga droga sa ginkasa nga operasyon. / ANN DESLENE SALAZAR
