Nakilaea eon ru kalansay it tawo nga nakita sa puno’t botong sa Sitio Ilaya, Brgy. Napatag, Tangalan, Aklan.
Gin komperma it pamilya nga ru kalansay nga nakita hay sangka 65 anyos nga lola nga taga Brgy. Monlaque, Ibajay, Aklan nga mabuhay eon nga gina maduea.
Nakilaea raya it pamilya pinaagi sa eambong nga gina suksok nga shorts, under-wear ag t-shirt sa kalansay it biktima. .
Naga pati man ru pamilya nga uwa it foul play nga natabo sa nasambit nga kalansay.
Kun matandaan, nag pahayag si PSSg. John Mijares, imbistigador it Tangalan MPS sa BRIGADA News FM Kalibo nga may nag-indicate nga pamilya sa nasambit nga PNP Station halin sa Brgy. Monlaque, Ibajay nga naga-usoy it andang gina maduea nga pamilya.
Kahapon, matapos nga mabolgar sa social media, eagi nga gin adtunan it pamilya sa lugar ag nakomperma nga imaw gid man ru andang gina usoy ku buean pa it Disyembre.//MARIVIC Y. ILIN
