MAGHATAG og pabuya ang General Santos City Water District ngadto sa kinsa mang makatug-an sa mga tawo nga lambigit sa iligal nga pagpangawat ug pagpalit og metrohan sa tubig.
Makadawat og kantidad nga 10,000 pesos kung makompirma nga ang gitudlong tawo maoy nangawat og metrohan, samtang 25,000 pesos ang pabuya kung mapamatud-an nga ang gitudlong tawo maoy nipalit sa kinawat nga metrohan nga gipanag-iyahan sa Water district.
Kahibaloan nga kapin sa 98 kabook nga metrohan ang nakawat sulod lang sa usa ka semana niadtong milabay nga tuig. Ug posibleng makasohan og Anti-fencing Law ilawom sa PD 1612 ang kinsa man nga madakpan nga mangawat og metrohan.
Busa pahinomdom sa publiko nga mahimong mabinantayon, mamahimo nga butangan og lock ang metrohan sa tubig, ug kung adunay mamatikdan nga kawatan ipatala kini sa dool nga presento sa kapulisan. I Enamie Mogpon
