Nakatakdang mag atubang ug kasong homicide ang usa ka mag-uuma human napatay ang iyang kainom human gibunalan ug tubo ang ulo niini.
Naila ang namatayng biktima nga si Roel Siasar, 34-anyos, dunay live-in partner , nag-uuma, residente sa Purok 6, Brgy. Dalawinon , Magsaysay, Davao del Sur.
Samtang ang suspek naila nga si Junel Intino Ardiente, 29-anyos, dunay live-in partner, mag-uuma, residente sa kaparehong lugar.
Subay sa imbistigasyon sa Magsaysay Municipal Police Station, nag inom ang duruha sa balay sa usa ka Magno Alquizar nga nahimutang sa maong lugar.
Tungod lango na sa makahubog nga bino, naglalis ang duruha dayon giatsa ang ulo sa kainom nga nisangpot sa kamatayon sa biktima. BNFM-Davao
