DILI political vendetta ang gihimo ni Mayor Lorelie Pacquiao nga pagpuli sa pipila ka mga department head sa LGU-GenSan.
Kini ang giklaro ni Kagawad Dominador Lagare Jr. tungod nagpabilin pa gihapon ang ilang rank isip department head apan dili ang posisyon.
Segun sa konsehal, sama na lamang ni Glennville Gonzales, isip kanhing hospital administrator, gihatagan kini og mas challenging nga assignment isip head sa committee alang sa pagkab-ot sa GenSan og Seal of Local Governance.
Dugang ni Lagare,sama usab kang Engr.Nael Cruspero sa City Planning karon anaa sa pagpanguna alang sa kamugnaan sa shelter plan sa syudad.
Samtang sa ubang department head sama ni Gina Pigar sa General Services Office, gikanayun ni Lagare nga dili sigurado if maalisdan apan padayun matud pa nga gina-evaluate sa mayor ang performance niini.
Si Dr.Bong Dacera nga labaw sa City Disaster Risk Reduction and Management Office ang gibalhin na sa City Health Office, tungod usa kini ka dentista ug nangita pa sa mahimong hulip sa CDRRMO.
Sa City Veterinary Office, gidayeg ni Lagare si Dr.Ephraim Marin sa maayong pagdumala sa buhatan niini ug takdang magretiro mao nga wala pay sigurado apan gituohan nga ang assistant department head sa CVO ang mihulip.
Bugtong gisiguro ni Lagare nga desisyon matud pa ni Mayor Pacquiao ang pagpuli og department head ug 100 percent matud pa siya nga uyon sa lakang niini. I BNFM GenSan
