Ginpangunahan ni Department of Public Works and Highways (DPWH) Secretary Roger G. Mercado ro pagbukas it phase 3 Boracay Circumferential Road.
Nag-atender sa nasambitan nga inagurasyon si Senior Undersecretary Rafael C. Yabut, Undersecretary Maximo L. Carvajal, Assistant Secretary Wilfredo S. Mallari ag DPWH Region 6 Regional Director Tiburcio DL Canlas.
Ro 1.4-kilometro nga kaesada hay parte it 21.6 kilometrong Boracay Circumferential Road.
Raya ro naga-konekta sa Cagban port ag sa Tambisaan port sa Brgy. Manoc-Manoc, nga mga entry/exit points sa Boracay Island.
Ro ₱140-milyon nga proyekto hay ginakaeakipan it pag-eapad it presente nga kaesada, pagpatindog it drainage system, sidewalk nga may mga paving block, pag-install it solar street lights, sprigging, ag pagbutang it mga thermoplastic pavement markings.
Ro pag-ayos it Boracay Circumferential Road hay makabuhin sa oras it biyahe halin sa Cagban port hasta Ilig-Iligan Beach sa Brgy. Yapak./JIL B. LACSON
