Sambilog ka Sangguniang Kabataan (SK) chairperson nga si John Paul Delfin ro ginaturo nga suspek sa pagbuno-patay it anang kasimaryo sa Sitio Pinay, Barangay Lacaron, Dao, Capiz.
Ro biktima hay ginkilaea nga si Richard Baarde, sa legal nga edad ag residente it Barangay Pasugue, Capiz.
Base sa imbestigasyon it Dao Municipal Police Station, ro biktima ag suspek hay sa sambilog ka “baylehan” sa Barangay Lacason kat matabo ro krimen.
Ginbuno ni Delfin ro biktima sa waea nga parte it dughan kung siin nakaangkon raya it patal nga tama.
Ginsugod pa sa Dao District Hospital ro biktima pero gindeklara man raya it doktor nga dead-on-arrival.
Sa presente, ro suspek hay at large ag nagapadayon man ro imbestigasyon it mga otoridad./JIL B. LACSON
