Ibinalik na ng Department of Social Welfare and Development o DSWD ang pagbibigay ng guarantee letter sa ilalim ng Assistance to Individuals in Crisis Situation o AICS.
Sa anunsyo ni DSWD Asst. Secretary at Spokesperson Irene Dumlao, pwede na ulit maka request ng guarantee letter ang mga nangangailangan ng medical assistance at funeral expenses.
Basta’t siguraduhin lang na kumpleto ang mga kinakailangang papeles at ID, para sa mas mabilis na pag proseso ng kanilang request.
Nabatid na nitong Disyembre, pansamantalang itinigil ng DSWD ang pamimigay ng guarantee letter, upang bigyang daan ang annual liquidation.
Samantala, kung nag resume ang guarantee letter nitong January 2, kasabay naman nito ang pansamantalang pag suspendi sa provision of outright cash sa ilalim pa rin ng AICS.
Ito’y habang inaantay ang pag-download sa pondo ng ahensya para sa taong 2024.
