“Tuloy tuloy ang pagserbisyo sa mga tao.” Kini ang nahimong pamahayag ni Cresenciano Predrola, executive director sa Brigada Mass Media Corporation, sa iyang pagdawat sa License to Operate sa KaBrigada Foundation, Inc., Hulyo 15 sa opisina sa DSWD region-12 sa Koronadal City.
Dugang ni Pedrola nga padayun nga mahimong kaabag sa local government units ug DSWD ang KaBrigada Foundation aron matabangan ang mga nanginahanglan sa matag lugar.
Ang License to Operate ang nagpalig-on sa KaBrigada Foundation, Inc. isip usa ka Social Work Agency nga gapatuman sa community-based services alang sa mga bata, kabata-unan ingon man pamilya ug komunidad. Ang maong License to Operate ang valid sulod sa tulo ka tuig nga gi-isyu sa Department of Social Welfare Development Field Office XII.
