Para mapunggan ro mabahoe nga epekto it pagbaha kung mabaskug ro uean sa mga ka-barangayan, nagrekomenda ro Sangguniang Bayan it Kalibo nga tun-an ro posibilidad nga maka-krear it Barangay Drainage Master Plan agud malikawan ro natabo sa Metro Manila nga grabeng ginbaha.
Suno kay SB Member Ronald Marte, maabo gid ro apektado nga mga residente sa pagbaha sa mga Kabaranggayan. Bisan may una nga Drainage System sa mga baryo, bukon raya it bastante ag nagakaigo ro disenyo.
Importante gid segun ro Drainage Master Plan kung siin, ro mga Barangay ro responsable sa pag-implementar it mga Development Plans and Projects sa andang mga lugar. // ANN DESLENE SALAZAR
