Gintaw-an it pagkilaea it LGU Kalibo ro mga Agriculturist may kaangtanan sa pag-selebrar it Agriculturist Month ku rayang buean it Hulyo.
Suno kay SB Member Christine Dela Cruz, Committee Chairperson on Agriculture nga gin-deklarar ni President Ferdinand E Marcos, Jr. rondaya nga buean bilang Agriculturist Month.
Bangud kara, sa simple nga pag-apresyar sa mga Agriculturist it Agricultural Services Division sa idaeom ku pagpamuno ni Mr. Uriel Las Piñas, Municipal Agricultural Officer, ginpakilaea ni Dela Cruz ro mga empleyado it ASD Kalibo partikular ro mga nagata-o it bulig sa mga mangunguma.
Ro mga empleyado it ASD Kalibo hay nangin kabulig sa pagpasa it Meat Inspection Code, naga-asister pa gid sa Bantay Dagat ag iba pa gid nga mga mandato it Gobyerno. // ANN DESLENE SALAZAR
