Gihupay karon sa Cagayan de Oro City Police Office ang kabalaka sa publiko kalabot sa mikatag nga impormasyon kalabot sa posibling bahad sa pagpanabotahe sa seguridad sa syudad.
Sumala kang COCPO Spokesperson Police Lt. Colonel Evan Viñas nga gi-beripika na karon ang maogn impormasyon ug mihatag nasab sa direktiba si City Director Police Colonel Salvador Radam sa tanan nilang units nga hugot nga makig-koordinar sa intelligence community.
Subay niini gisiguro sa kapolisan ang pagpakusog sa depensa sa borderline control sa syudad kung asa duna nay dugang police personnel nga gipakatag.
Gawas pa kini sa pagpahugot sa presensya sa mga otoridad sa mga lugar nga sagad dagsaon sa katawhan.
Nanawagan sab ang otoridad sa kooperasyon sa publiko aron mapugngan ang unsa man nga posibling bahad sa seguridad.