Arestado ang isa ka tricycle driver sa ginkasa nga drug buy bust operation sang gintingob nga pwersa sang Station Drug Enforcement Team (SDET) Cuartero, Dao, Dumarao MPS kag Provincial Drug Enforcement Unit (PDEU) sa Poblacion Ilawod, Cuartero pasado alas 12:00 kahapon sang Lunes, Agosto 7.
Ginkilala ang naaresto kay Rodel Dumaniel, 43-anyos, ginakabig nga isa ka newly identified Street Level Individual (SLI) kag residente sang nasambit nga lugar.
Nakuha sa paghinakop ni Dumaniel ang 4 ka sachets sang suspected shabu nga nagabug-at sang 3 gramos kag nagabalor tanan sang P20,400, P500 marked money, cellphone kag tricycle. Sa karon, nagapabilin sa kustodiya sang Cuartero PNP ang suspetsado kag kag natalana nga pasakaan sang kaso nga paglapas sa Republic Act 9165 ukon Comprehensive Dangerous Drugs Act of 2002. | Judy Ann Juare
