NAGA CITY – Hindi nawala ang nasimulang Naga River Revitalization Program sa halip mas pinalawak pa ito sa pamamagitan ng mga revetment projects na ipinatutupad ng City Government.
Nakapalaman ito sa mga infrastructures program ng LGU-Naga, sa flood control system at ang revetment upang maiwasan ang anumang pagguho ng lupa sa tabi ng ilog na makakaapekto sa mga residenteng nasa paligid.
Bukod diyan pagganitong may ginagawang development sa ilog, mas madali ng makabuo ng anumang tourism attraction activities, lalo na ngayong paparating na ang Peñafrancia Festival.
Ito ang inilabas na paliwanag sa Brigada News FM Naga ni City Councilor Jose Perez, Chairman ng Investment, Trade and Economic Enterprises at ng Tourism sa Konseho, kaugnay sa ginagawang mga patrabaho sa Naga River.
Sa pahayag ni Perez, sinabi niyang nasa priority program ng office of the City Mayor ang ganitong mga programa pang turismo sa ilog, bagamat limitado din ang budget subalit dahan-dahang nangyayari.
May Bicol River Side Recreation Park na binubuo na isa sa pinagkakaabalahang mahanapan ng pondo sa National Government na makikita sa tabi ng mga shopping mall.
