MATAGAMTAMAN ang serbisyo gikan sa lokal nga gobyerno, kini ang pangandoy sa mga residente sa Barangay Buayan, GenSan.
Matud ni Nestor Ugatis, sa bag-o unyang liderato sa siyudad hayag ang kabag-ohan ug walay gipaboran sa paghatag og mga social services.
“Ang mga tao sa Barangay Buayan puros ma-mroblema kung asa mokuha og pangbayad sa ospital (bills) kay kung moadto sa LGU engnon lang ka og walay pondo, nalipay me sa Kabrigadahan kay dagkong tabang sa mga residente nga na-ospital nga kulang og ikabayad,” asoy ni Ugatis.
Samtang kabag-ohan sa palengke partikular sa sentrong bahin sa siyudad ang pangandoy ni Gemma Castillo, residente sa maong barangay.
“Suportahan nato ang nangandoy ug kausaban, kay kami sa akong mama ug ako dugay name namaligya sa palengke hangtud karon walay sistema sa pagpangmaligya,” dugang ni Castillo. Nagpasalamat silang Castillo ug Ugatis sa pamilyang Achievement with Integrity Movement (AIM) sa pagpanguna sa mayoralty candidate Brigada Elmer Catulpos sa pagtubag sa ilang imbitasyon nga duawon ang ilang barangay.
