Ginsaysay ni Francisco Balois alyas “Tonying” ang rason sang iya pagsulod sa rebelde nga grupo matapos napaslawan ang mga ini nga makuha ang hustisya nga ila ginapangayo sa gobyerno sadtong dekada 80.
Suno kay “Tonying”, tuman gid sila nga naapektuhan sa natabo sa ila tiyo nga ginaalegar gin-torture kag ginpatay sang Civilian Home Defense Forces (CHDF) bangud nasal-an nga katapo sang rebelde nga grupo. Diri nag-umpisa nga nagtanom sila sang kaakig sa gobyerno bangud wala gid nahatagan sang hustisya ang kamatayon sang ila himata.
Dugang pa sini, sa iya pagsulod sa hublag madamo na siya sang eksperensya sa engkwentro. Aminado man si Tonying nga sang sini lang, naglaylo na siya sa iya grupo matapos nakumbinse sang iya bata nga mag-untat na. | Judy Ann Juare
