Nagbukas ang mga oportunidad sa pag-obra para sa benepisyaryo kang Pantawid Pamilyang Pilipino Program (4Ps) nga si Jiezel Mae Del Rosario pagkatapos makapasar sa 2024 Mechanical Engineers Licensure Examination nga ginhiwat kang Pebrero 20-22, 2024.
Suno kay Del Rosario, dya ang nakabaton kang mga job offers halin sa mga kumpaniya sa syudad kang Iloilo kag probinsya kang Antique, apisar nga magapanumpa pa lang dya sa Hunyo 5.
Si Del Rosario ang kalibaynan sa tatlo ka magburugto sa diin construction worker ang andang tatay samtang mananahi naman ang andang nanay.
Bilang benepisyaryo kang 4Ps, gingamit ni Del Rosario ang anang monthly grant agud magbayad kang mga baraydan sa eskwelahan kag mabakal ang mga labing kinahanglan, samtang, anan man ginahingyo ang iban pa nga mga benepisyaryo nga mag-focus sa pag-eskwela kag mangin determinado nga matapos ang pagtuon samtang may oportunidad pa kaangay kang programa.
