KORONADAL CITY- UNTI-UNTI nang nababawasan ang populasyon ng South Cotabato Rehabilitation and Detention Center o SCRDC.
Ayon kay OIC Jail Warden Lory Celeste na kung noon ay umaabot sa mahigit 1,500 ang ang mga inmates sa jail, ngayon, ito ay nasa 1,200 na lamang.
Inihayag ng opisyal na ang pagbaba ng jail population ay dahil sa pagpapatupad ng OCA Circular No. 201- 2022 na nag-uutos sa pagpapalaya sa mga inmates na nakakumpleto na sa sentensya na itinakda para sa kanilang nagawang krimen ngunit nananatili pa ring nakakulong.
Ayon kay Celeste na sakop nito ang mga maliliit na kaso na may parusang pagkakabilanggo na hindi lalagpas sa apat na taon.
