MAS istrikto na usab karon pagpatuman sa pagsulod ug gawas sa GenSan, pinaagi sa Executive Order 21.
Alang kang Idol Brigada Elmer V.Catulpos, maayo ang intensyon sa maong kamanduan nga sugdan, adlawng Lunes, Mayo 3 ang istriktong implementasyon niini.
Alang sa Ama ng Brigada, maayo nga mapatuman sa hingpit labi na sa mga anaa sa mga checkpoints ang unod sa maong E.O.
Nagpasabot nga gi-istriktohan ang pagsulod ug paggawas sa GenSan, ug alang sa mga trabahante, walay kabalak-an tungod kung may ipakitang company ID ug QR codes,sila ang makasulod ug gawas, ingon man kadtong mga essential nga mga lakaw.
Gihimo ang maong kamanduan aron mapugngan ang pagdaghan sa kaso sa COVID-19 sa GenSan.
Sama sa personal nga paghinabi ni Catulpos sa Brigadahan GenSan program niadtong Sabado kang city administrator Atty. Arnel Zapatos, giingon niini nga dili mahimong maapektohan ang ekonomiya sa gipahugtan nga pagpasulod ug gawas sa mga tawo.
Bugtong kadtong mga travelers ang pangitaan og negative RT-PCR test result ug ang mga panagtapok sa mga tawo sobra sa 30 ka buok, mag-secure na og pagtugot gikan sa local IATF.
Dugang ni Catulpos ang pagtuman sa direktiba kinahanglan nga makanunayon sama sa lider nga makabalo sa paghiusa sa tanang katawhan alang sa malambuong syudad.
Photo by Rommel Rebollido
