DAPAT sa level sa barangay ang istriktong pagpatuman sa mga health protocols batok COVID-19.
Kini ang gihingusgan ni Kagawad Rosalita Nuñez, chair sa Committee on Health sa Sangguniang Panlungsod aron nga dili na motaas pa ang kaso sa COVID-19 sa GenSan.
Aminado kini nga kulang gayud ang pag-monitor sa implementasyon sa mga health protocols tungod makita niini nga ang uban wala gasul-ob og face mask ug kung may face shield nakabutang usab kini sa ulo.
Aduna usay mga gapahigayon og party nga makita pa niining gina-post sa social media bisan bawal pa kini ning panahuna.
Luyo nga may dugang pondo alang sa mga medical equipment ug uban pang kahimanan sa Dr. Jorge P.Royeca Hospital nga naapil sa Supplemental Budget number 3, aminado si Nuñez nga mahinungdanong mapaspasan ang pagpabakuna.
Giawhag usab niini ang tanan nga magpabakuna aron makab-ot ang herd immunity sa GenSan.
