Ginakasadya it Department of Tourism (DOT) ro pagkilaea sa isla it Boracay sa Malay, Aklan bilang sambilog sa “World’s Greatest Places of 2022” it TIME Magazine.
Ro Boracay Island ro sambilog eang sa tourist destination sa Pilipinas nga nakaeakip sa listahan it mga kakaiba nga tourist spots sa bieog nga kalibutan makarang 2022.
Base sa taeatapan, ro pag-iba it Boracay Island sa TIME’s 50 World’s Greatest Places to explore in 2022 hay sambilog ka manami nga senyales para sa turismo sa isla.
Maliban sa Boracay, ginkilaea man it TIME Magazine ro mga destinasyon sa Asia Pacific kapareho eun eamang it Bhutan’s Trans-Bhutan Trail, Australia’s Great Barrier Reef, India’s Kerala and Ahmedabad, New Zealand’s Queenstown, Silk Roads of Uzbekistan, Bali province sa Indonesia ag Seoul, South Korea./JIL B. LACSON
