Presente nga nagapanawagan ro Food and Drugs Administration (FDA) 6 sa publiko nga likawan ro pagbakae it mga over-the-counter medicines sa mga sari-sari stores o tiangge.
Kasunod raya sa pagkaeat it mga peke nga bueong sa Western Visayas.
Base kanda, indi madali nga ma-identify it mga consumers ro authentic sa peke nga bueong rason nga mas sigurado kung bak-eon raya sa mga botika.
Dapat man tan-awon it mayad ro logo, security number ag physical appearance it gamot bago raya bak-eon.
Sa presnete, uwa pa t nabaton nga reklamo ro taeatapan angot sa nagabaligya it peke nga buoeng./JIL B. LACSON
