Natagpuang walang malay sa banyo sa Philippine Merchant Marine Academy o PMMA sa San Narciso, Zambales kahapon ng umaga ang isang kadete.
Base sa report, natagpuan si 4CL Jonash Bondoc, 19-anyos ng Butuan City sa banyo ng Alpha Company Barracks.
Agad na dinala sa San Marcelino District Hospital pero Dead on Arrival.
Ayon kay Pcol. Romano Cardiňo, Zambales PNP Director, ipinaalam na rin sa pamilya ang pangyayari at hinihintay ngayon ang opisyal na resulta ng otopsiya para malaman ang sanhi ng pagkamatay nito.
Siniguro naman ng PMMA ang full cooperation nito sa PNP sa isinasagawang imbestigasyon para malaman ang katotohanan sa pagkamatay ni Bondoc.
Samantala, naghain na umano ng courtesy resignation ang commandant, battalion officer at company officer ng kadete para bigyang daana ng mas mabilis na imbestigasyon.//Jen Bayot-BNFM OLONGAPO
