BNFM Bicol-MARIING KINOKONDENA ngayon ng isang Community Youth Organization sa Catanduanes ang nangyaring panununog ng kagubatan o kaingin gabi nitong Linggo sa Palumbanes Island, Caramoran, Catanduanes.
Sa inilabas na Facebook post ng naturang grupo kanilang inilatag ang tatlong ponto: ayon sa grupo, dapat umanong magsagawa ng masusing imbestigasyon na madakip ang salarin sa paulit-ulit na insidente ng kaingin sa isla, magpatupad ng mga regulasyon, enforcement measures at gumawa ng resolusyon at Mag organisa ng Barangay Assembly.
Dahil dito nananawagan ngayon ang kanilang grupo sa mga residente na makiisa sa kanilang panawagan matapos makumpirma na hindi lang ito ang unang beses na nangyari ang ganitong insedente sa lugar.
Samantala, agad na tumungo sa naturang lugar ang Bureau of Fire Protection (BFP), Barangay Council at ang Palumbanes Island Community Youth Organization para magsagawa ng imbestigasyon sa lugar.### KENNETH BERMIL
Courtesy: Palumbanes Island Community Youth Organization /Facebook
