LEGAZPI CITY – Nanindugan an Bicol Alliance of Transport service Entity na bako man suspensyon kan Public Utility Vehicle Modernization Program an dapat itao kan Senado kundi solusyon.
Segun kay Joemil Mujar, Presidente kan BATSE, kun may problema an mga senador manungod sa pagpapautob kan modernisasyon, dapat pag-urolayan tanganing magkaigwa nin kalinawan.
Tinawan doon pa niya, dai dapat magin ‘one-sided’ an mga senador – boot sabihon, bako sana itong habo sa PUVMP an kaulayon, kundi dapat pati man an mga nagsurunod sa implementasyon kaini huli ta nakapag-invest na an mga kooperatiba asin gusto naman ninda maka-allign sa international standard pag-abot sa public transportation.
Mientrastanto, pig-eenganyar ni Mujar an mga driver asin mga kooperatiba na pagtarabangang suportaran an modernization program tanganing bako sana saro an umasenso kundi an gabos, kadamay naman an mga komunidad sa pag uswag kan nasyon.
