Boluntaryo nga nagsuko sa 2nd MP Patrol Base, 1st NOCPMFC, Brgy. Bunga, Don Salvador Benedicto, Negros Occidental ro dating rebelde nga si alyas Junjun residente it Lagha, Brgy. Quezon, San Carlos City, Negros Occidental.
Ginsuko man kara do anang baril, bala ag Granada.
Buligan sigon it mga kapulisan do nasambit nga rebelde nga maka-avail it E-CLIP o Enhanced Comprehensive Local Integration Program.
Kabahin kada, nakabaton si Junjun it sangka sakong bugas sa idaeum it Project Ulikid it kapulisan.
Ing tamyaw man ni Police Regional Office 6 Director Sidney Villaflor do mga kapulisan sa inubrang aksyon para mapasuko do rebelde.
Ginsiguro man ni Villaflor nga buligan si Junjun it PRO6 nga makabuoe it benipisyon halin sa gobyerno.//MERIAM LUMBRES AGDIPA
