Isa pang vaccination site sa Olongapo bubuksan ngayong araw

Bubuksan na ngayong araw ang isa pang vaccination site sa Olongapo City para sa pagbabakuna sa mga essential workers kasama na ang mga vendors. Ayon kay City Health Officer Dr. Doods Bustamante, gagamitin na rin ang Rizal Triangle para mas mapabilis pa ang roll-out ng vaccination. Matatandaan nitong Linggo ay mayroon pang mga karagdagang bakuna ang dumating sa lungsod kaya kung ikukumpara umano sa mga nakalipas na buwan ay mas mabilis na ang pagbabakuna ngayon. Inaasahan rin ngayon na mas maraming mga nasa A4 category ang matuturukan dahil sa pagkakaroon ng karagdagang vaccination site.//Jen Bayot-BNFM OLONGAPO