Patay ang 9-katuig nga bata samtang padayon pa nga ginabulong sa Bailan District Hospital ang iban nga himata sini matapos nahilo bangud nakakaon sang ginaalegar shellfish sa banwa sang Pilar.
Sandig sa impormasyon nga nakuha sang Brigada News FM Roxas City, nagkaon sang tahong ang magpamilya kun sa diin hinali nalang nagsakit ang tiyan sang mga ini, nagpalanuka kag ginbudlayan sa pagginhawa.
Sa karon, padayon pa nga gina-validate sang mga otoridad ang nasambit nga hitabo.
Samtang, nagpaguha naman sang Executive Order ang talatapan ni Mayor Arnold Perez natuhoy sa temporaryo na pagbawal sa publiko sa pagpanguha ukon pagkaon sang mga shellfish halin sa nasambit nga banwa.
Nagpatigayon naman sang rekorida ang mga kapulisan agud mapaandaman kag mapahibalo ang mga pumuluyo sa lugar. | Judy Ann Juare
