Nakabaton sang relief goods ang 1,502 tanan ka mga manughupot sang baboy gikan sa 21 ka mga kabarangayan sa banwa sang Sigma nga naapektuhan sang African Swine Fever (ASF).
Ang ini nga ayuda ang nagikan sa Department of Social Welfare and Development pinaagi man sa pagtimakas sang Municipal Social Welfare and Development Office (MSWDO) sang lokal nga gobyerno sang nasambit nga banwa nga ginapamunuan ni Mayor Dante Rizal Eslabon.
Nagapasalamat naman ang mga hog raisers sa ila nabaton bangud makabulig na ini sa ila pang-adlaw adlaw nga pagkinahanglan. | Judy Ann Juare
