Muling iginiit ng Amerika ang kanilang ironclad commitment sa Pilipinas sa ilalim ng Mutual Defense Treaty.
Kasunod ‘yan ng pag-uusap nila US Secretary of Defense Lloyd Austin III at Defense Sec. Gilberto Teodoro Jr. tungkol sa pinakahuling insidente sa pagitan ng China at Pilipinas sa Ayungin shoal noong June 17.
Sa pag-uusap ng dalawang opisyal , binigyan-diin nila ang pagpapalakas ng alyansa ng U.S. at Pilipinas upang suportahan ang isang malaya at bukas na Indo-Pacific.
Kabilang dito ang pakikipagtulungan sa mga “like-minded partners” upang mapalakas ang kakayahan ng Sandatahang Lakas ng Pilipinas, at mag-invest sa U.S. rotational force posture sa ilalim ng Enhanced Defense Cooperation Agreement o EDCA.
