Gibutyag ni Simplicio Sagarino ang labaw sa Anti Scam Unit-11 nga naka-comply na og ebidensya ang pipila ka mga investors nga buot mupasaka og kaso batok sailang administrator sa Repa paluwagan.
Dugang sa opisyal nga karong adlawa (lunes) mubalik ang pipila ka mga investors sa Repa aron muhatag og kumpletong rekisitos sanglit kulang sumala pa ang gidala nila mga ebidensya kaniadto sama sa conversations tali sailang admin, resibo nga mipay-in kini, agreement, police blotter ug uban pa.
Gipaniguro sab sa opisyal nga kung makumpleto matud pa ang ilang mga ebidensya, mamahimo na nga magpabuhat og demand letter lakip na niini ang complaint form aron isubmiter sailang mga abogado o sa ubang otoridad.
Mitambag ang nahisgutang buhatan sa mga investors nga naay plano nga magpasaka og kaso batok Repa nga siguradohong kumpletohon ang mga ebidensya nga ipresenta sa mga otoridad aron hingpit nang maduso ang kasong ipasaka batok sa Repa administrator.
