Nagpositibo sa COVID-19 si Interior Secretary Eduardo Año, sa ikatlo nang pagkakataon.
Ayon kay Año, lumabas ang kanyang test result noong Lunes, pero ngayon umano, nananatili siyang asymptomatic.
Matatandaan na unang nahawa sa virus ang naturang opisyal sa mga unang araw ng pandemya noong March 2020, at muling nahawa sa parehong taon noong Agusto.
Noong January 2021, nag-medical leave ang kalihim sa loob ng tatlong buwan, para lubusang makarekober mula sa naturang sakit, na kalaunay kinumpirmang sumailalim rin siya sa dalawang heart surgeries.
Sa kabilang dako, sinabi naman ni Agriculture Secretary William Dar na mabilis ang kanyang pagrekober ngayon mula rin sa COVID-19. //MHEL PACIA
