Nagsugod na sa pagserbisyo sa commuting public ang pinaka-unang Inter-Regional nga rota gikan Davao City paingon ug padulong sa Bangsamoro Autonomous Region in Muslim Mindanao (BARMM) sukad kini gilusad sa Department of Transportation (DOTr) ug Land Transportation Franchising and Regulatory Board (LTFRB), uban sa Ministry of Transportation and Communications (MOTC).
Pinaagi sa gitawag nga “Friendship Routes”, makabenipisyo ang katawhan sa Marawi City, BARMM ug mga silingang lungsod alang sa moderno, luwas ug komportable nga pampublikong transportasyon.
Ruta niini manukad sa Davao-Maramag-Talakag-CDO-Iligan-Marawi City diin gibana-banaang anaa sa P797 hangtod P948 ug moabot sa sa 431 kilometers ang daganon sa biyahe.
Kahibaluang ang maong programa ilawom sa Public Utility Vehicle Modernization Program (PUVMP) sa LTFRB maoy usa sa flagship nationwide non-infrastructure project sa Duterte Administration tumong ipataas ang kalidad sa pampublikong transportasyon sa nasud.
Gilusad ang makasaysayanong aktibidad sa mismong Ground Zero sa Islamic City sa Marawi City. BNFM-Davao
