Kapin sa 87.11% it mga lugar sa Western Visayas hay cleared eun sa tanan nga ilegal nga droga, raya hay base sa pinakaulihi nga report it Philippine Drug Enforcement Agency (PDEA) regional office.
Base kay PDEA spokesperson Shey Tanaleon, 16 pa ka mga kabarangayan ro gindeklara it taeatapan nga cleared sa illegal nga droga samtang may 38 nga iban pa nga naretain ro nasambitan nga status, raya man hay base sa pinakaulihi nga deliberasyon it Regional Oversight Committee on Barangay Drug Clearing ku Pebrero 10.
Sa presente, tanan nga 327 ka mga lugar sa Aklan hay drug-cleared eun halin sa ilegal nga droga; naangkun man it Antique ro 99.32%; 97.50% sa probinsiya it Iloilo; 95.91% sa Guimaras; 89.21% sa Capiz; 53.57% sa Negros Occidental; 48.88% sa Iloilo City; ag 21.31% sa Bacolod City./JIL B. LACSON
