Naniniwala si Senador Sherwin Gatchalian na may kahinaan ang intelligence fund na ginagamit para bumuo ng intelligence network ng Philippine National Police (PNP), National Bureau of Investigation (NBI), at Bureau of Immigration (BI).
Ito ay matapos ibunyag kahapon ni Shiela Guo na sabay-sabay silang sumibat nina Alice at Wesley Guo sa bansa.
Sa panayam ng Brigada News FM Manila kay Gatchalian, sinabi nitong tila may kahinaan ang paggamit ng intelligence fund, kaya hindi napigilan ang ginawa ng mga Guo.
Ayon kay Gatchalian, sa harap ng pagiging malaki, malawak, at pagiging pulo-pulo ng Pilipinas – mahalagang bumuo ng intelligence network.
Aniya, dapat palakasin pa ng mga enforcement agencies ang intelligence nito upang maiwasan na ang mga insidenteng pagpuslit ng ganitong klaseng mga tao.
