Kinumpirma ng Department of Agriculture (DA) na tuloy na sa Biyernes ang bakunahan ng mga baboy kontra African Swine Fever (ASF).
Ayon kay (DA) Spokesperson Assiatant Secretary Arnel de Mesa, inaasahang matutuloy na ang turukan, at posibleng magsimula sa 2,000 doses ang conrolled ASF vaccination sa mga hog raiser at commercial farm sa Batangas.
Ang vaccination ng mga baboy ay tututukan umano ng Bureau of Animal Industry (BAI) at Food and Drug Administration (FDA).
Sa sandaling maging matagumpay ang bakunahang ito, itutuloy na rin ito sa Quezon at iba pang mga lugar na apektado na ng ASF.
Samantala, nagbabala ang ahensya sa mga nag-aalaga ng baboy na nagbabalak na magpabakuna kahit na hindi pa ito aprubado ng gobyerno.
