KABANKALAN CITY, Negros Occidental — Naga kisi-kisi sang kalipay ang 480 tanan ka mangunguma sa syudad sang Himamaylan, matapos nila mabaton ang ila ‘indemnity check’ ukon ‘insurance checks’ gikan sa Philippine Crop Insurance Corporation (PCIC) sang Miyerkules, Mayo 22, sa Barangay 4, sa nasambit nga syudad.
Madumduman nga base sa datus sang Office of the Provincial Agriculturist, ang Himamaylan ang isa sa dako nga naapektuhan sang El Nino phenomenon, sa diin nag-lambot sa masobra PHP 13 million pesos ang kahalitan.
Samtang, naka-alokar naman ang nasambit nga syudad sang 23 million pesos, agud gamiton sa mga mangunguma gikan sa 19 sini ka mga barangay nga naapektuhan sang drought, paagi sa pagbakal sang foodpacks, water pumps kag hoses; kag infrastructure projects.
Sa piyak nga bahin, agud naman nga maka avail sang insurance kag financial assistance gikan sa gobyerno ang mga mangunguma, dapat magparehistro anay sa Department of Agriculture Registry System for the Basic Sectors in Agriculture, agud ma-kwalipikar.*