NAGA CITY – Indirect connection o walang direktang koneksyon ang mainit na panahon sa pagkakaroon ng rabies ng isang aso o pusa.
Ito ang binigyang diin Naga City Veterinarian ni Dr. Junios Elad.
Bagamat kapag mainit ang panahon nagiging iritable ang mga alagang aso o pusa wala pa rin itong kinalaman, dahil kahit nga bakunado na kapag mahina ang resitensya at makagat ng isang galang aso o pusa na may naturang sakit malaki pa rin ang posibilidad na matamaan nito.
Ang pagkakaalam kasi aniya ng marami kapag mainit, marami rin ang kaso ng rabies.
Ayon pa kay Elad wala na rin pinipiling oras o panahon ang rabies lalo na’t mahaba rin ang nagiging proseso nito sa katawan ng aso o pusa kapag nahawaan o nakagat. Noong 2021 at 2022, 7 at 12 ang naitala sa lungsod simula summer hanggang Disyembre na malamig ang panahon, at ngayong taong 2023 naman dalawang canine rabies na ang naitala.
Tuloy-tuloy naman ang house to house vaccination ng City Vet sa 27 barangay sa lungsod upang masugpo ang sakit na rabies sa mga alagang aso o pusa.
