Inaasahang sisirit na naman ang inflation rate sa bansa sa gitna ng mataas na presyo ng pagkain at petrolyo ngayong Oktubre.
Sa pagtataya ng Bangko Sentral ng Pilipinas (BSP), posibleng nasa 2% hanggang 2.8% ang inflation sa buwan na ito.
Paliwanag ng BSP, nagkaroon kasi ng pagtaas ng halaga ng mga food commodities gaya ng mga gulay, prutas, at isda.
Bukod pa riyan, malaking epekto ang naidulot ng peso depreciation kung bakit tumaas ang presyo ng mga bilihin ngayong Oktubre.
Samantala, titiyakin umano ng central bank na ipagpapatuloy nila ang measured approach upang masiguro ang katatagan ng presyo ng mga bilihin sa bansa.
