Ininspeksyon ng Philippine Coast Guard ang tug boat na nasiraan sa karagatang sakop ng Sampaloc area, Subic.
Ayon kay Petty Officer 2 Nathaniel Gamis, PCG Subic Station Commander, galing ng Taiwan ang TB Zahirra na humihila sa barkong MV Kimbereley patungo sana ng Indonesia.
Ang barko ay wala umanong sakay na tao kundi ang tug boat lamang na humihila dito na nasiraan.
Dagdag ni Gamis, naakyat na nila ang tug boat at nasa maayos namang kalagayan ang labing isang Indonesian crew na pinapadalhan naman umano ng pera para sa pagkain ng may-ari ng barko.
Mayroon naman umanong mga dokumento ang mga ito habang ang barko ay iinspeksyunin rin ng PCG.
Base sa impormasyon, Marso pa aniya ang barko at tug boat sa lugar subalit nito lamang nakalipas na araw ito naireport sa PCG Subic Sub-Station.
