LEGAZPI CITY – Ikinondusir kasuhapon an inagurasyon asin ceremonial switching kan field lighting sa Ligao West Central Elementary School sa Brgy. Binatagan nasambit na syudad.
Pinangenotan ini ni City Mayor Fernando Gonzalez asin Vice Mayor Jaypee David kasarabay sinda Schools Division Superintendent Dr. Nympha Guemo asin iba pang opisyal.
Sa mensahe kan alkalde, sinabi niya na obheto kan lokal na gobyerno na makapagtao sa mga atheleta nin magayon asin world class facility tanganing ganahan sinda sa anuman na kompetisyon nin karawat sa syudad.
Segun saiya, an saindang mga atleta pirming nakakakua nin gold, silver asin bronze medal sa Palarong Pambansa o Palarong Bicol sa anuman na karawat.
Segun man sa bise-alkalde, ipapadagos pa kan syudad an pagtao nin tabang sa sports facilities tanganing ihanda an pag-host sa Palarong Bicol.
